Heiðursverðlaun

Lestrarklefinn er einstakur grasrótar-vettvangur sem hefur í sjálfboðastarfi stuðlað að fjölbreyttri og lifandi umræðu um bókmenntir í öllum formum, hvort sem um er að ræða prentaðar bækur, hljóðbækur eða rafbækur. Með vandaðri, djúpri umfjöllun og gagnrýni, ástríðu fyrir bókmenntum og metnaði til að miðla bókaáhuga til annarra, hefur Lestrarklefinn orðið dýrmæt viðbót við bókmenningu Íslands. Hann fjallar ekki aðeins um bókmenntir heldur einnig um leikhús og menningu í víðara samhengi og hefur þannig auðgað íslenska menningarumræðu almennt og á fjölbreyttan hátt.

Lestrarklefinn hefur orðið dýrmæt viðbót við íslenska bókmenntaumfjöllun og frábær viðbót við sívaxandi umræðu um bókmenntir á samfélagsmiðlum. Með fjölbreyttu efni og persónulegri nálgun hefur Lestrarklefinn stuðlað að aukinni lestrarmenningu á Íslandi, gert bókmenntaumfjöllun aðgengilegri, veitt margvíslegum bókmenntaverkum og höfundum tækifæri til framgöngu og tengt lesendur, höfunda og sögur saman á nýjan hátt. Fyrir þetta ómetanlega framlag til lestrarmenningar á íslandi hlýtur Lestrarklefinn heiðursverðlaun Storytel Awards 2025.

Eliza Reid þáverandi forsetafrú hlaut sérstök heiðursverðlaun fyrir ómetanlegt framlag í þágu íslenskra bókmennta og ritlistar. Elíza hefur talað fyrir mikilvægi íslenskra bókmennta og að þjóðin hafi aðgengi að þýddu erlendu efni sem víkki sjóndeildarhringinn. Hún hefur verið ötul að kynna íslenskar bókmenntir og koma íslenskum rithöfundum á framfæri erlendis á fjölbreyttum vettvangi og sem annar af stofnendum Iceland Writers Retreat  Þá komst Eliza eins og ferskur vindur í hóp rithöfunda með sinni fyrstu bók Sprakkar. Þegar Sprakkar kom út sem hljóðbók árið 2022 fékk hún mikið lof frá hlustendum og hlaut tilnefningu til Íslensku hljóðbókaverðlaunanna 2023.

Yrsa Sigurðardóttir rithöfundur veitti Elizu heiðursverðlaunin. 

Helga El­ín­borg Jóns­dótt­ir leikkona hlaut heiðursverðun fyr­ir ómet­an­legt fram­lag til ís­lenskr­ar tal­setn­ing­ar og hljóðbóka. Hún er ein ást­sæl­asta leik­kona þjóðar­inn­ar og hef­ur und­an­far­in ár lesið fjölda ís­lenskra hljóðbóka hlustendum til mikillar gleði. Í lok þessa tímabils las hún bók­ina Sál­ar­hlekk­ir sem er ein vin­sæl­asta bók árs­ins hjá Stor­ytel.

Jóhann Sigurðsson okkar ástsæli og þjóðþekkti leikari hlaut heiðursverðlaun fyrir ómetalegt framlag sitt til hljóðsetninga fjölda hljóðbóka. Hann hefur ljáð mörgum af vinsælustu sögupersónum silkimjúka rödd sína, þar á meðal í Harry Potter bókunum sem notið hafa gífurlegra vinsælda ár eftir ár.

Heiðursverðlaun hlaut Gunnar Helgason fyrir framlag sitt í að miðla sögum til barna. Hann er einn ástsælasti barnabókahöfundur landsins, hefur samið fjölda barnabóka en einnig skapað sjónvarpsefni og sett á fót leiksýningar fyrir börn. Hann er ötull í að miðla sögum til barna með upplestri í skólum, á þátt í stofnun verðlaunahátíðar fyrir sögur skrifaðar af börnum og kom af stað lestrarátakai fyrir börn þar sem við slóum heimsmet í lestri.

Fyrstu heiðursverðlaun Storytel Awards hlaut Gísli Helgason fyrir mikilvægt frumkvöðlastarf í þágu hljóðbóka. Hann var frumkvöðull í útgáfu hljóðbóka á Íslandi og hélt úti sölusíðunni hljóðbók.is um áraskeið ásamt eiginkonu sinni Herdísi.