Íslensku hljóðbókaverðlaunin
Storytel Awards

Þann 29. mars, 2023 voru Íslensku hljóðbókaverðlaunin afhent í fjórða sinn við hátíðlega athöfn í Hörpunni. Þar voru íslenskir höfundar eða, eftir atvikum, þýðendur ásamt leikurunum sem lásu inn bækurnar verðlaunaðir í sex flokkum fyrir verk sem komu út á árinu 2022. Auk þess voru veitt sérstök heiðursverðlaun.

Storytel Awards eru árlegur viðburður þar sem hljóðbókaunnendur, útgefendur, höfundar og lesarar fagna saman útgáfu vönduðustu hljóðbóka ársins. Bæði höfundar og lesarar hljóðbóka eru verðlaunaðir í fimm bókaflokkum auk verðlauna fyrir hljóðbókaseríu og sérstakra heiðursverðlauna.